تاريخ النشر : 25 جمادى أول 1446 هـ - الموافق م |
المشاهدات : 673 
السؤال:
انا فتاة عمرى29 اتعرفت على شاب محترم جدا من على النت منذ 3 سنوات وهو اكبر منى ب10 سنين واعزب وكان اول مرة افتح النت اصلا وطبيعة حياتنا اصلا مغلقة ملييش تعامل مع الاخرين يعنى يعتبر خلصت جامعة من غير ما اكلم شاب وكنت فى الاول عندما تعرفت بهذا الشاب كان كلامنا سطحى يعنى بطمن علية وعلى ظروفة واحوالة خصوصا انة مسافر فى دولة عربيةوبدات اتعلق بية جدا ودة يعتبر اول واحد اكلمة فى حياتى وبعدها كان فى ناس بتتقدم لية بس بلاقى نفسى متعلقة بية خالص مش قدرة ابعد عنة على الرغم انة اصلا موعدنيشى بحاجة وكان بيقلى ارتبطى وشوفى نفسك وححس انى سعيد لما اشوفك سعيدة وكان نفسة انة يشفنى قلتلة مش بقتح كاميرا المهم اتنزلت وبعت صورة وربنا اللى يعلم كنت متعذبة اد اية وانا ببعتها بس انا حسيت بية فعلا انة محترم وهو اصلا محترم ولية اخوات بنات يعنى حيخاف علية وكان نفسة يكلمنى ميك وبجد كان اول مرة فى حياتى افتح الميك وكلمتة مش كتير بس المهم كلمتة وانا معترفة بخطىء مرة زى عشرة وصورة زى عشرة المهم نزل اجازة السنة اللى فاتت وكان قبلها قطع كلام معاية وفضل طول وجودة فى مصر مفكرشى حتى يفتح الاميل ويكلمنى ولو مرة بالعكس دة مسح الاميل ومعدشى يخلية بيستقبل رسايل عشان كنت ببعتلة رسايل بقلة فيها مفكرتش تيجى حتى وتشوف اللى كنت بتكلمها المهم لما سافر تانىفتح الاميل وبدا يكلمنى ومتقلوش علية انة بيتسلى عشان بجد انا حبيتة وكنت حسة بكلامة بطعم الصدق بجد ساعات بقول فى مخى عشان انا ملييش علاقات بجد مش عرفة وبدات اتكلم معاة تانى وكل كلامنا كان باحترام مفهوش كلام خارج خالص وكان لما حد بيتقدم هو يقلى وفقى عشان انا مش عارف ظروفى اية وكمان ظروفى متلخبطة بس بجد مش بقدر وفى الاول والاخر النصيب لسة مجاش لحد قريب والحب بيزيد فى قلبى وكان من زمان نفسة ياخد رقم الموبيل وكنت بقلة لا المهم تبادلنا الارقام وقعد فترة ميكلمنيشى ورنيت علية وقلتلة قدرت تبعد قال عشان مصلحتنا وكان ربنا اللى يعلم بنا احنا الاتنين كنت حسة انى عملة زى السمكة بدور على الماء عشان تعرف تعيش المهم من فترة قليلة وكان اول مرة نتكلم عن مشاعرنا ومتجوزناش فى الكلام قوى بس بالنسبالى انا انى اتجوزت عشان مش متعودة اتكلم فى كدة وهو كمان المهم من يوميها وهو مش بيفتح الاميل وكمان مش بيرد على الموبيل لما برن وكمان حط رقمى من ضمن الارقام اللى لما تتصل مش بتوصل الرنة بجد انا مخنوقة خالص وكل يوم بنام ودمعتى على خدى ومش عرفة اعمل اية حتى لما كنت بقلة لو اتقدمت خلى تعارفنا على النت بينى وبينك محدش يعرف عنة حاجة عشان اهلى حيقولوا اية علية عشان دى مش طبيعة تربيتنا بس يرجع ويقولى النت دة عبارة عن وسيلة تعارف زى النادى او اى مكان تانى بس بجد هو انسان محترم وبيخاف علية وبيخاف على الغير دة طبعة وهو بيشرب سجاير وبدا قبل ما ينهى الكلام معاية انة يبطل سجاير وكان فى اليوم اللى اتكلمنا عن مشاعرنا كان هو دة اليوم اللى بطل فية السجاير انا قلت فى نفسى مش حصدة فى الكلام يعنى مش يبقى السجاير وانا كمان وفى النهاية اية اللى حصل طلعت انا اللى غلطانة بجد مش عرفة بس صدقونى عمرى ما حنساة عشان دة يعتبر اول مرة احب انا طول عمرى قفلة على قلبى شفتم لما فتحتة اية اللى حصل وربنا اللى يعلم انا دلوقت عيشة ازاى وكل يوم بنام ودمعتى على خدى حتى بفكر اجيب رقم تليفون تانى يعنى اعمل زى المراهقين واكتبلة فية رسالة عن اية اللى عملتة غلط وهو اصلا قرر يبنزل فى رمضان مصر ومش حيرجع تانى خالص بسبب ظروف عند اهلة وحيشتغل فى مصر برجاء الرد بسرعة لو سمحت اعمل انا اية او غلطت فى اية نا عرفة انى غلطت لما اتكلمت اصلا على النت او لما بعت الصورة بس بجد انا ووثقة فية انة عمرة ما حياذينى وانا عرفة ان اى حد حيشوف الكلام دة حيتحايل علية ويقول علية انة انسان وحش بس صدقونى بالعكس هو فية صفات يامة حلوة حتى لو بفكر انى اروح لدكتور نفسانى طبعا مفيش انا حتى نفسى بس يكلمنى ولو مرة عشان يرد حتى كرامتى عدم كلامة دة حسسنى انى كأنى وحدة على النت وانا اصلا لو اتكلمت حتكلم يامة كفاية بس كل يوم بنام ودمعتى على خدى وانا اصلا كنت بتعامل بينى وبين نفسى كانة زوج متفهموش كلامى غلط يعنى قصدى انة جزء منى مش بقدر استغنى عنة وكنت مش بوضحلة الكلام دة وصدقونى لو الموضوع دة انتهى محدش يفكرنى بالجواز تانى عشان مش مستعدية ان قلبى ينكسر وعشان مظلمشى الجديد بس عشان مطولشى عليكم عشان لو اتكلمت حتكلم يامة خالص
وشكرا
الجواب :
الحمد لله رب العالمين،والصلاة والسلام على أشرف الخلق وسيد المرسلين، نبينا محمد وعلى آله وصحبه أجمعين، وبعد
أختي الكريمة
كما ذكرت ربما يكون التوجيه لك أنه غير ملتزم، وغير جاد، وهذا يضايقك، لكن الغالب هو ذلك، وليس أمامك بالفعل إلا أن تقطعي تلك العلاقة تماما، وتُذهبي هذا الهراء عن تفكيرك، وأؤكد لك أن الذي أنت فيه إنما هو نتاج قلة الخبرة الواضحة لديك، ومن ثم وقعت في أول درجة من النت، فهناك المئات بل الآلاف على هذه الحال، لكن الفرق أن البعض عنده من الخبرة ما يدرك به هذا الأمر، ولا تعتقدي أنك الوحيدة التي التقيت بشخص تظنيه جيدا، فالبعض عنده من المهارة ما يخدع به مئات الفتيات، واعلمي أن الشخص في تلك الحال لا يتعامل مع واحدة أو اثنين، إنما هن ملايين، وما أدراك أنه في هذا السن؟!وما أدراك أنه ليس متزوجا بالفعل، ويعول أسرة، وقد حدثني بعضهم، وهو يبلغ من العمر 55 عاما، ويخاطب الفتيات على أنه ابن 25 عاما، فما رأيك في تلك الصورة؟!
عليك أن تدركي الآن أن ما يقع على النت أكثره زيف، وباطل وبهتان، وما عليك إلا أن تستدركي الأمر، وتعودي لرشدك، ثم هو إن كان يريد الخير فقد عرفك، وعرف طريقك، وإلا فأنت في حل، وامتلئي ثقة، واعلمي أن بعده عنك ما هو إلا عادة النت المتكررة في كل لحظة، ولولا الوقت لعرضنا عليك نماذج في غاية العجب على النت، وفقك الله لما يحبه ويرضاه، وردَّنا جميعا إلى الاعتصام بكتابه وسنة نبيه صلى الله عليه وسلم،
والله الموفق.
كتبه : د.محمد بن موسى الدالي
في : ١٤٣٦/٥/٥ هـ
