السلام عليكم ورحمة الله وبركاتة

لو سمحت تساعدني انا من الاردن عمري 24 ولسى ما بشتغل

و

عرض علي شغل بالفوركس انا شغلي فيه بس ببعت كل يوم 1000 ايميل مقابل مبلغ مالي 200 دينار شهريا بس هيك ,ومحتوى الاعلان عن الفوركس بس انا فهمت من هادا الشخص انه يلي ببعت الهم بقدرو يفتحو حسابات اسلاميه وطبعا انا شغلي من البيت يعني ما بيكون تعاملي مباشر مع اي شركه و انا بتعامل مع شخص هوه يلي رح يدفعلي مقابل الايميلات يلي    رح ابعتهم

يعني انا ما رح اشتري ولا ابيع ارجوك تفتيني بهاي الشغله علما اني محتاجه لهاي الفلوس

ارجووووووك ابعتلي الرد لانه هلا معروض علي وكتير بحثت بالنت وما فهمت شي ارجوك 

اعطيني الرد بانه حرام ولا حلال

وبالايميل رح يكون فيه عن الفوركس

ولازم ارد خبر لهاد الشخص هاي الايام

واذا حدا سجل بالفوركس من الايميلات يلي بعتهم الهم رح يعطيني هادا الشخص عموله يلي بدي اسئله ال 200 دينار يلي رح اخدهم شهري هدول حرام ولا حلال وكمان هاي العموله حرام ولا حلال ارجوك يا شيخ تبعتلي الرد  ع ايميلي انا بحاجه مساعدتك والله يوفقك

الحمد لله رب العالمين

أختي الكريمة، العمل في هذه الأعمال نوع من التعاون على الإثم والعدوان، لأن هذه الشركات لا تخلو أعمالها من المحرمات، وأظهر محرم أنه لا يتم التقابض في أعمالهم، وقد نهى عنه الشارع، وربما اشتملت على محرمات أخرى، لذا فالأحوط البعد عن العمل فيها، ونسأل الله أن يعجل لك بالفرج، وأن يرزقك من حيث لا تحتسبين، وفي الحديث: ( من ترك شيئا لله عوضه الله خيرا منه)والله الموفق.

كتبه: د.محمد بن موسى الدالي

في 1435/2/13ه