السلام عليكم ورحمه الله وبركاته

انا متزوجه وزوجي سألني اذا تعرفين احد محتاج وده يساعده بمبلغ شهري وانا اعرف بنت عم امي يتيمة ومحتاجه وصرت اعطيها كل شهر مبلغ 200 ريال

وبعدين قالت لي امي اني محتاجه لهالمبلغ لأن امي ام ايتام صحيح انها متزوجه بس زوجها مايشتغل ولايحط ريال بالبيت وعايشه على صدقات الناس

وانا قررت من نفسي وبدون ما اقول لزوجي ان اعطي امي الفلوس وفعلا صار لي تقريبا سنه وانا اعطي امي الفلوس واذا سألني زوجي عطيتي البنت اقوله ايه عطيتها وانا اكذب اعطيها امي

هل فعلي فيه ذنب لأن هالموضوع مو مريحني وشاغل بالي واحس اني غلط بس وش اسوي ما اقدر اقول لزوجي ابغى اعز نفسي واهلي عنده وما ابغاه يدري انهم محتاجين ل 200 ريال ..

الحمد لله رب العالمين.

لا بأس بالتورية في هذه الصورة، فتقولي: أعطيت المرأة، أعطيت البنت، وتقصدين أمك، فلا بأس بذلك، إذا كنت تجدين في نفسك غضاضة أن تخبريه أنك تعطين أمك، وهي على كل حال صدقة في محلها إن شاء الله، والله الموفق.

د.محمد بن موسى الدالي

في 12/7/1433هـ