جزاكم الله خيرا..

ياشيخ أنا ما اعرف ايش الكلمات اللي تدعو الى المجون والخلاعه.. مثلا هذه بعض كلمات الاغاني هل تعتبر ماجنه وخليعه أرجو التوضيح ...

مرتاح ولا يتصنع قلبك الراحه

شايل في خاطرك ولا البال متهني

مجروح ولا شفى قلبك من جراحه

زعلان للحين والا راضيٍ عني

شخبار قلبك عسى ما فارق افراحه

ادري جرحتك وشلت بخاطرك مني

خسران بعدك وقلبي ضاعت ارباحه

غلطان ادري وابي منك تسامحني

تدري عيوني بغيابك ما هي مرتاحه

تبكي على فراق طيفك وانت ذابحني

ياللي ذبحني غلا شكرا على رماحه

اللي طعني بها وما يوم ريحني

جيتك من الشوق والاشواق ذباحه

اسال عيونك عسى للحين تذكرني

راضي بجرحك وانا ما اتصنع الراحه

تكفى عشاني ابي ترجع وتسمعني

هلابش حي من عاكس إتجاه الريح وجابش

هلابش قــد ماســوّى الــوله فـيني بغيابش

علامش يا بـعــــد كـلّــي عـلـيـّّه

ومامش غـيـر أنـا وانـتـي هـنـيّه

تــداري نظــرتش لـيـه مستحـيّه

انا اش لي بعيدهم والعـيد شوفش

الى جاد الهوى وسـمحت ظروفش

تخـافي ليش ايش أسـباب خوفـش

وهاللـحـظــه لــنـا والــغـــيـب لله

خــذيـها واتركي الباقي على الله

...................

خلوني على صبري

خلوني على جمري

معاك صابر سنين

منك ياعسل دوعن قوت العاشقين

نظره منك تكفيني

يامسكوب في صيني

كالماس الثمين

منك ياعسل دوعن قوت العاشقين

ياسبحانه الشافي

ذي خلى العسل شافي

في دنيا ودين

منك ياعسل دوعن قوت العاشقين

..........

بلا حب بلا وجع قلب وش جانا من ورى هالحب

غير الألم غير التعب وش جانا

ياناس أنا مابي دفا قلبي من الحب إكتفى

وين العشق وين الوفا ودانا

ياقلبي يكفي ماجرى الجرح توه مابرى

ماجانا من الدنيا ترى كفانا

جربت في مره الهوى وأخلصت أنا وقلبي سوى

وفجأه كذا الغالي نوى ينسانا

ياشوق خذ مني وعد ماعاد نشتاق لأحد

إرحل بدربك للأبد وإنسانا

ماعاد يغرينا العشق ماصرنا وياه نتفق

والحظ ماعمره صدق ويانا

.................

وفي بعض الاناشيد يكون فيها كلمات حب هل في فرق بينها وبين الاغاني ؟؟

أرجو الاجابه بدقه وتفصيل  لانو انا ما اعرف اميز الفاحش من غير الفاحش سألت شيوخ من قبل وقالوا نفس الاجابه طيب انا كيف اميز لاني في حيرة من امري .. وشكرا

الحمد لله رب العالمين.

هذه الكلمات السابقة منها ما يصلح أن يكون بين الزوجين، ومنها ما لا يكون إلا للعشاق، فالذي نراه البعد عن مثل هذه الحفلات، إلا إذا أمكنك الحضور دون المشاركة في سماع هذا الكلام المهيج على الحب والعشق وغزل العيون، ونحوه من المعاني المحرمة التي لا تكون إلا بين الأزواج، وعلى كلٍّ ما كان صالحا أن تقوله المرأة لزوجها، فلا بأس به، وبترديده وسماعه، وقد اطلعنا على شئ من ذلك، وأما ما ظهر عليه معاني الحب والعشق، فهذا من الفحش في القول، والله الموفق.

كتبه : د.محمد بن موسى الدالي

في 8/5/1430هـ