عمري 21سنه والدى توفى وترك لي مبلغ من المال فى بنك ربوى وماكنتش عارفه انقل المال لبنك اسلامي لاني كنت قاصر ودلوقت بلغت سن الرشد وطلعت فلوسي من البنك ده ولقيت عليها فوائد 12 الف جنيه ففصلتهم عن الفلوس وعقدت النيه على التخلص منهم بس في الوقت اللي انا كنت فيه قاصر كان عمى بيطالبنا بحق ليه في الشقه اللى عايشين فيها ولم نكن نمتلك المبلغ المطلوب ومفيش حد رضي يسلفنا ولا يدينا قرض حسن في الوقت ده وسألنا شيخ قالنا انه يجوز لنا أخذ قرض من البنك وللاسف اخدنا القرض بس اجتهدنا في سداده كله مره واحده  بعد ما خدناه بسنه لتقليل الفوائد بقدر المستطاع و دفعنا فوائد للسنه دى 7 الاف جنيه والسؤال هو هل يجوز اني اخصم ال7الاف اللى دفعناهم فوائد للبنك من ال12 الف اللى اخدتهم فائده على فلوسى من البنك واتخلص من ال5الاف اللى باقيين وللا الصح انى اتخلص من ال12الف كلهم مع العلم انني اريد التخلص منهم كلهم عشان ارضى ربي وضميري بس احتياجي للمال فى الوقت الحالي بسبب متطلبات الزواج هو اللى دفعني للبحث فى الموضوع ده

الحمد لله رب العالمين

 الأحوط في هذه الصورة التخلص من المبلغ كاملا، لأن ما دفع أولا كان على وجه الفائدة الربوية، وقد مضت، وما يؤخذ الآن هو إمضاء لموجب عقد قرض ربوي، وإجراء المحاصة المذكورة(أعني خصم 7000 من 12000) محل نظر وتوقف، لذا فالأحوط التخلص من كامل المبلغ، والله الموفق.

 كتبه: د.محمد بن موسى الدالي

في 12/4/1433هـ